چئویرن: سوسن نواده رضی
ترجمه: سوسن نواده رضی
سوسن نواده رضی

یئنه فضولی ایله باشباشا
سوسن نواده رضی

فضولی:
گریبان اولدی رسوالیق الی‌له چاک، دامن هم
منه رسوالیغیم‌دا دوست‌لار طعن ائتدی، دشمن هم
ره عشق ایچره جان قیلدیم گرفتار بلا، تن هم
بو یئتمزمی کی بیـــر درد آرتیریرسان دردیمه سن هم؟!

رضی:
بو دونیانین داشین بیر تورلو باشدان آتمادین، من هم
نه عهدینده، نه قوولوندا وفا سن ائتمه‌دین، من هم
محبت یول‌لارین چیزدین، ولی سن گئتمه‌دین من هم
اوساندیردین! بو لذت ذؤوقونه سن یئتمه‌دین، من هم

فضولی:
اگر توتسام غمیم ائل‌دن نهـــان، صبر و قراریم یوخ
وگر شرح غم پنهانیم ائتسم، غمـگساریم یوخ
اسیـــر بند زندانم، الیم‌ده اختیاریم یوخ
بو یئتمزمی کی بیر درد آرتیریرسان دردیمه سن هم؟

رضی:
اورکده درد درد اوسته گلیب آوار اولار اما
یاشام باشدان باشا غم اوستونه غملر قالار اما
سئویلمک نشئه‌سی جان اوستونه جانلار جالار، اما
اوساندیردین! بو لذت ذؤوقونه سن یئتمه‌دین، من هم

فضولی:
اولوب دور اشک خوناب‌ایله گلگـــون چهـرۀ زردیم
یانیب دیر آتش هجرانه جان دردپـروردیم
جفای چرخ کـــج رفتار الین‌دن وار میـــن دردیم
بو یئتمـــزمی کی بیر درد آرتیریرسان دردیمه سن هم؟

رضی:
آپارما آبریسین اشکین، ساخین بی اعتبار ائتمه
اگر هجرانا یوخدور طاقتین، عشقین یولون گئتمه
تیکاندان واردیسا قورخون، گوله بولبول کیمی اؤتمه
اوساندیردین! بو لذت ذؤوقونه سن یئتمه‌دین، من هم

فضولی:
گهی شـوق وصال و گه بلای هجـــرایله زارم
اؤزوم هم بیلمـــه زم دردیم نه دیر، من نئجه بیمارم؟
غم عشق ایچـــره بیر درمانی یوخ درده گرفتـــارم
بو یئتمـــزمی کی بیر درد آرتیریرسان دردیمه سن هم؟

رضی:
وصال ایچره ایلاهی نغمه‌لر جاندان قوشار انسان
چکنده فرغتین دردین بوتون دردین آشار انسان
وصال اولسون یا هجران، عشقدن آللاهلاشار انسان
اوساندیردین! بو لذت ذؤوقونه سن یئتمه‌دین، من هم

فضولی:
جـدا سن‌دن، بلا و درد هجران ایله توتدوم خو
قیلیـــر هر دم منه بیـداد درد آیرو، بلا آیرو
بلا و درده دوشـدوم روزگاریم بؤیله، حالیـم بو
بو یئتمزمی کی بیر درد آرتیریرسان دردیمه سن هم؟

رضی:
فراغیندا اورک کؤزدور، کؤنول اوددور، خیالیم سو
سئویلمک- سئومک اولمازسا، سُولار اومید، اؤلر آرزو
گؤرن حالیم، بو مجنوندان دا مجنوندور دئییر قامو
اوساندیردین! بو لذت ذؤوقونه سن یئتمه‌دین، من هم

فضولی:
طبیب عشقه چون اظهار قیلـــدیم درد پنهانی
من بیـــماره مطلق اولمادی بیر صحت امکانی
ازل‌دن وار بیر دردیم کی یوخ دور هیـــچ درمانی
بو یئتمـــزمی کی بیر درد آرتیریرسان دردیمه سن هم؟

رضی:
گؤتور دردین، گتیر عشقین جفاسین، چیینیمه سؤیکن
نه حاجت وار طبیبه دردینین درمانی الده ایکن
وفا منده، صفا منده شفا اسراری منده ایکن
اوساندیردین! بو لذت ذؤوقونه سن یئتمه‌دین، من هم

فضولی:
فضولی! هر زمان بیر طعن ایله باغـــریم قیلیـــرسان قان
عجب بیلمـــزمی سن کیم عشقـدن کئچمک دئیل آسان؟
بیلیـــرسن دوشموشم بیـــر درده کیم یوخ دور اونا درمان
بو یئتمـــزمی کی بیر درد آرتیریرسان دردیمه سن هم؟

رضی:
دؤنوب دؤوران فضولی! ایندی چاتمیش سوسنه صحبت
اورک قان اولدوسون عشقین یولوندا کیم قویوب بدعت؟
کئچیلمز عشقدن، باغریندا بسله‌ر چونکی بیر لذت
اوساندیردین! بو لذت ذؤوقونه سن یئتم

زینب فرجی | ترجمه: 
زینب فرجی | چئویرن: 
سوسن نواده رضی
زینب فرجی | ترجمه: 
زینب فرجی | چئویرن: 
سوسن نواده رضی
چاپ

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یئنه فضولی ایله باشباشا / سوسن نواده رضی

سوسن نواده رضی
www.ishiq.net

آذربایجان ادبیات و اینجه‌صنعت سایتی

یئنه فضولی ایله باشباشا / سوسن نواده رضی

سوسن نواده رضی
www.ishiq.net

آذربایجان ادبیات و اینجه‌صنعت سایتی

یئنه فضولی ایله باشباشا / سوسن نواده رضی

سوسن نواده رضی
www.ishiq.net

آذربایجان ادبیات و اینجه‌صنعت سایتی