دئسه‌یدی… دئیردیم
محمد نوری
دئسه‌یدی
دئیردیم عشق
دیلی ایله فیرچالا بو گؤوده‌لرین گؤیلونو آل
آل-الوان
آلا-چیلپاق
آلامان آلمادیر شرقیم
دریر سویون اوزونده‌کی آلا-نم پالتاریندان
سانال گؤوده‌نی
سن آل گؤیلومو
سن آلمالیق یوخوسو
«سودان گلن سورمه‌لی قیز»
سویا گئدیر
قاپی_قاپی کئچیر کوچه‌دن کی
سن قاییدیرسان منه
و ساچین سویون موتمادی بایراغینی
آچیر هاوادا
قاییق اول!
دیزه سولاله‌سی دنیزه یول آچسین
بو تایتانیک فورمالار
بالیق اوتوپیاسیندا اوتورماقدی
دئسه‌یدی
دئیردیم عشق
سوررئال کؤینه‌یینیه قویلاییر
قیز قالاسینی
سو سویونور آینالارا
و آچیلان آکواریوملولارین قوجاغی‌دی
پنجره‌لر
باخاندا سنه
دئیردیم عشق!
من
صوفی گؤزلرینی سو سولاله‌سیندن بیلدیم
فضولی
گؤزلرینین تاثیرینده‌دیر کی
اورمونو
قاناییر
یعنی بوتون قاغایی‌لار یارادیرلار
الکول
اوچقونور آپارتومانلاریندان
-اوچوقلانیر شعرین دوداغی، دئسه‌یدی
دئیردیم
عشق…
