من سنی تانیدیم و شاعر اولدوم
آلما موغانلی
منیم اوره ییم گئنیشدی و سنین گؤزلرین
سن بئینیندن دابانینا قده‌ر شعر قوخویوردون
دیرناقلارین یئرینه سؤزجوکلر گؤیه‌ریردی
گؤزلریندن داملایان یازیلمامیش شعرلریمدی
سن یاراتدین بوتون شعرلریمی
و من هر شعریمده یاراتدیم سنی
تانری قیسقاندی منی،
و سنی،
و قادینلیغیمی،
و شاعرلیغینی!!
…
گئدیرسن ایندیسه
ائله اینجه‌دن گئدیرسن کی سئلوللاریم آغرییا دوشور
شعرلریمده دئپرم اولور
سؤزجوکلر آخیر
و سن گئدیرسن گلدیگین همن کوچه‌دن
همن یولدان گئدیرسن
اوزوگونو یئره آتیرسان
و من توپورورم خیابانین اوزونه سنینله آداخلاندیغی ایچین
یاغیش یاغیر،
تانری توپورور اوزومه، سنی یاراتدیغیم ایچین
و سن بیر کاغیذ کیمی قیورانا- قیورانا گئدیرسن
بیر شعر اولدوغون ایچین
آما دایان ،
اوچموش شعرلریمی‌ده آپار
گؤزلرینین من ده قالماسین!!!
4 پاسخ
یاشاسین اذربایجان قیزی الماخانم شعرین دوغوم گونوم اولدی
اخدرباخشلارن دولان گوزومه
قان سالیب اورگیم باخمیرسوزومه
یاغدرکیپریکلرین انسین کوزومه
امانیمی قرب سنسیزلیک جانان
اغلییرلحظه لر بوکولور ای گون
فراقینده وارلیق اولوبدی دار گون
گل رحم ایله قویمابوجان اولسون دون
امانیمی قرب سنسیزلیک جانان
Salam alma xanim çox qashah. Sevindim yasha
کیمسه یوخ گل یاشامی اووورلایاق وایکی گوءروش آراسیندا پایلاشاق
سلام بوتون چالیشانلارا
یئنه قیش گلدی سویوق تبریزی بورودو
قار یاغیش دومان چن
قوشلار نئدیر ائی
اینسان اوچون تاپیلمیر دن
بو شهردن اولو قوخوسو گلیر
سانکی هئچ جانلی بوردا یاشامیر
سسسیزلیک قارانلیق حوکوم سورور بو شهرده
یانلیز بو گئجه ……..