اوچ شعر
یعقوب نامی
(۱)
اینانمیردیم سئچگیلره بویون ایهسن
آمما اولدو…
من اؤزومه گووندیم…سن ده اونا
آرادا قالان بیر من اولدوم، بیرده یئتیم بیر سئوگی
تکی اوندان گؤز اول
من گئدرگی بیریسییم سانکی.
(۲)
نه یاز، نه یای، نه پاییز
تکی قیش گئتسین
بلکه شههر سنین نفسینله جانلانا
بلکه تبریزین اطلسیلری عطرینی سندن آلا
گؤزو یولدا قالیب کوچهلر
آددیمینا جان آتیر گولوستان باغی.
(۳)
آلنیندان دهیدی هاوانین
یوللانیلان اؤپوجوک
او…گئتمیشدی دئمه به
یئللرینه توخونموشدو دویغولار
او… گئتمیشدی
هئچ نه دئمهدن،سورمادان
تئللرینه تاپشیرمیشدی هاوانی
ایندی ائله هاوالانمیشام
ائله بتر وورولموشام هاوایا
ایندی هارالارا…
هاوالارلا اوچورام!!
سیز آلله گؤزلهیین
تئللرینه توخونان اولماسین هاوانین.
