سئوگی دبی/ ستار گول محمدی
قان اولدو كؤنول مؤحنت اول ماه جبيندن
سوزدوكجه شكر چاه-ي زنخدان لبيندن
زار اولدو گئجه م، گوندوزوم افغان ايله كئچدي
هئچ كيمسه‌يه سير وئرمه‌ديم عشقين ادبيندن
ليلا دئيه عشقيده سر كويونا دوشدوم
هئچ سورمادي مجنونلوغومون بير سببيندن
گر سجده اوچون بير گئجه محرابينه دوشسم
بالله كي دوشر خسته جانيم تاب و تبيندن
اظهاره گلير دل بو تمّنا ايله هر شب
نوطقوم توتولور گوندوز اولاندا غضبيندن
ترسادي، مسلماندي باشا دوشمورم اصلا
قورخوب سوروشا بيلميرم اصل و نصبيندن
نه رحمه گليب عاشيقينه بير كرم ائيلر
نه موشگوله باخ دل چكير ال اؤز طلبيندن
قالديم آسيلي وصل ايله هيجران آراسيندا
يارب مني قورتار بئله عشقين عجبيندن
عشق اهلي دؤزر عشقيده “ستّار”ا دئين كي
هر جور و جفا حاصيل اولار سئوگي دبيندن
یک پاسخ
ساغ اولون بیزیم ده سایتی یایملایین