اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

masood azerگؤزله‌مه منی!
مسعود آذر

سئوگیلیم، گؤزله‌مه منی!
من گله‌سی دئییلم…

نه چوخ سوردو بو آیریلیق
سون گؤروشوموزده سنه دئمک ایستردیم
ایللر بویو دیلیمه دویونله‌نیب قالان-
گؤزله! دئین سؤزو.
نئچه کره سورموشدون:
-منه، هئچ نه دئمک ایسته‌میرسن؟
من‌ده آخماقجاسینا باخیب اوزونه دئمیشدیم:
-یوخ، نه دئیه‌جاغام کی!…
سون گؤروشه‌ده گله بیلمه‌دیم،
چاتا بیلمه‌دیم سنینله قرارلاشدیغیمیز سحره
صوبحه قده‌ر اؤزومله آتیشیردیم کی،
بو دؤنه دئیه‌جاغام؛
دئیه‌جاغام: عزیزیم … سئویرم سنی!،
سنی کیتابلاریم قده‌ر یوخ،
اوره‌ییم قده‌ر سئویرم!
گئجه‌نی سحره‌دک اضطرابلی دؤیونتولر ایچینده-
یاتدیم- اویاندیم،
اویاندیم- یاتدیم.
تاق تاق تاق …
قاپیمیز دؤیولوردو؛
آچدیم قاپینی،
اؤنونده ایکی قارا یاخا:
-بیزیمله گلین دانیشمادان، ساکیتجه‌سینه!-
بیر ایکی سووال، تئز قاییدارسیز!
او گئدیش‌دی کی گئتدیم.
ایندی‌ده دانیشماغیمی ایسته‌ییرلر
نه ائدیم؟!
دانیشماماق منده بیر عادت اولموش…

سئوگیلیم!
سون گؤروشه‌‌ده گله بیلمه‌دیم،
چاتا بیلمه‌دیم سنینله قرارلاشدیغیمیز سحره؛
سن داها گؤزله‌مه منی!
من گله‌سی دئییلم.
منی یاشاتماق ایسته‌ییرسن
یاشا منسیز،
سؤزسوز،
گؤروشسوز!

۶ شهریور ۹۵

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *