اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

xosro barishan
گئجه‌نین دالیسیندا دورما، گل!

خسرو باریشان

گئجه‌نین دالیسیندا دورما، گل !
پنجره‌لره میخلانیر گؤزلریم،
پاسلی.‌.‌.‌
پاسلی.‌.‌.‌
پاسلانیرام.
یوخولاریم آفتافا اوغروسو؛
بو چیتلاق گونلریم
ایش‌قالاق، ایچی‌بوش.‌.‌!
ائکراندادیر قورخو فیلیمی.‌.‌.‌
بوتون ساعاتلارین باطریلارینی قورتارمیشام.‌
گئجه‌نین دالیسیندا دورما، گل!‌
گئجه‌نین قاپیلاری چوخ،‌
گئجه‌نین گؤزلری یوخ.‌
گؤزلریم سنینکیدیر،
یومسان اؤله‌جه‌یم!
گئجه‌دیر
اینتیحارلار نفسی؛
گئجه‌دیر
یالقیزلیغین یورغون سسی.‌
دوغولاجاغام باخیشلارین بورولقانیندا؛‌
سن‌دئمه اؤن گؤرموشم طالعیمی شعرلریمده!
گئجه‌نین دالیسیندا دورما، گل!
خییاوان تیلفونلاریندا سوسغونلوغوم؛
دنیزلر یارادیلیر اوره‌یی‌نین چیرپینتیسیندا.‌
سؤیوشلرین آلووو جایدیرانماز منی.‌
چیرکین قارابالیغام؛
دنیزدن بیر آز گؤی اوزو یاغسا
یوخلوغونون قارانلیغیندا بوغولاجاغام.‌
قیپ-قیرمیزیدیر قیز گؤزلرین!!!
گئجه‌نین دالیسیندا دورما، گل!‌
بیر زیندان دوغاجاقدیم من،
بیر هؤرومجک،
بیر ایشیق!!!
ایشیغا قاچسام تصادف اولاجاق!
سیغینسام اللرینه
تورا دوشه‌جه‌یم!
گؤزلرین بئینیمده گئدیر کوف.‌.‌.‌
کوف.‌.‌.‌
کوف.‌.‌.‌
کوفولداییر گؤزلرین.‌
گئجه‌نین دالیسیندا دورما، گل!
نه‌دندیر یورقان-دؤشه‌ییم خنجریندیر؟!
نه‌دندیر او چیلپاق بدنین
داغ باسیلیر بدنیمه؟!
نه‌دندیر سئویشمه‌ییمیز جینایت اولور؟!
نه‌دندیر حیات دوغولور جینایتدن؟!
و نه‌دندیر عشقیمیز آنادیر سیلاحلارا؟!
گئجه‌نین آللیغینا باسیلیرام.‌
گئجه‌نین دالیسیندا دورما، گل!
سنه تاماملانمامیش بیر شعر کیمی باغلاندیم.‌
کلمه-کلمه سئودیم وارلیغینی.‌
من شاعیر اولمادیم کی
آیاقلاریم سنی یازدیلار!
سن جوراب دئییلسن کی.‌.‌.‌
آغلاما.‌.‌.‌
چؤزه بیلمیرم دئوریملرینین دویومونو!
من آخیشا قارشی اوزورم.‌
گؤزیاشلاریندا بوغولارام.‌
خوشبختلیک آچیلان پنجره‌دیر.‌
سنی بیتیرمه‌دن
اؤلمکدن یامان قورخورام.‌
گئجه‌نین دالیسیندا دورما، گل!
منی کیمسه دویماز،
سسیم آغیر.‌
منی کیمسه قالدیرماز،
سسیم یاغیر!
رادارلار دیشیدیر یولوم یاوروم!
گئجه‌نین فاحیشه‌‌لیییدیر شهَرلر.‌
ایتمه، منه باخ.‌
گئجه‌نین دالیسیندا دورما، گل!
.‌.‌.‌/۲/۱۳۹۴

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *