چئویرن: ایشیق
ترجمه: ایشیق
ایشیق
00:00
00:00

nahani
سنسیزلیک‌لر(۱۱)
مجتبی نهانی

(۱)
تک قالان اوره‌ییم
یارا-بره ایچینده
سنی آختاریر
گؤزلرینه تاپشیر
توختاتسین منی.

(۲)
یاغیش ال چکمیر
یا سن کی
دولموسان گؤزلریمه.

(۳)
آتام دئمیشدی
بئله گئتسه
آدام ایچینده تانینمازسان
اوغلوم!
بوراخ اوره‌یین-
یانا-یانا آلیشسین…

(۴)
گؤرورسن ائوده یم
سندن اوزاقدا
توت، یاخینلات اوره‌یینه
ائشیدیم سئویرم سسلرینی
بیر آندا ایشیقلانسین گئجه-
گونشه دوغرو
اولدوزلاری آخمایان بیر اؤلکه‌ده.

(۵)
چؤرک‌سیزلیک آنلامینا گلیر
سنی سئومه‌مک
آغیر-
قار-یاغیش آلتیندا.

(۶)
گونشی گیزله‌دیرسن قوینوندا
آی باخیرسان گؤزومده
گئجه-گونوز تاماهلانیرام سنه.

(۷)
گؤزلریم یاغیر
دیلسیز باخیشلاریندا
ایچیمه آتمیشام کدرلریمی
ایسلانیرام گئجه سس‌سیزلییینده
زامانین آخمادیغی بیر یئرده
یوخوندان اویانیب، گؤرورم-
آغلایا-آغلایا یانمیشام.

چاپ

دیدگاهتان را بنویسید

نشانی ایمیل شما منتشر نخواهد شد.

سنسیزلیک‌لر(۱۱) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی

سنسیزلیک‌لر(۱۱) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی

سنسیزلیک‌لر(۱۱) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی