ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

afrasiyab
فوتبول
افراسیاب نوراللهی

فوتبول، فوتبول
فوتبول،
هر شئیدن اؤنجه بیر ایدمان،
توپلومسال بیر ایدمان.
آرتیق قلوباللاشمیش دا،
آرتیق سیاساللاشمیش دا…
فوتبول،
هر دؤنه تزه،
تکرارسیز تزه
ایکراه‌سیز تزه
هئچ ایکی اویونو عینی اولمادان،
هئچ ایکیسی عینی اولمایان اینسانلار کیمی تزه.
تزه جانلار کیمی تزه.
فوتبول،
بیر گونجل یاشاییش؛
یانی
سئویلمک،
کئچمیشینه واریلمادان.
یانی
سئومک،
قورخمادان، داریلمادان.
فوتبول،
گرگ‌لیلیک‌دیر؛
گرک‌سیزلیک دئییل.
فوتبول،
بیزلیک سیزلیک‌دیر؛
تکجه بیزلیک دئییل،
تکجه سیزلیک دئییل.
فوتبول،
هرکس اؤز یئرینی تاپماق‌دیر،
هرکس اؤز حاققینی قازانماق،
هرکس اؤز دیرینی آلماق‌دیر.

فوتبول
یازماق‌دیر،
یازماماق دئییل؛
یازانماماق دئییل؛
سؤی کیمی‌دیر ده فوتبول،
سربست سؤی کیمی،
بیر تهر قلیبلی سؤی‌لرین سربست‌لییی کیمی ‌دیر ده.
بلکه ده،
سؤی‌لریمیز فوتبول کیمی‌دیر؛
اؤیله کی،
یئرلریمیز فوتبول کیمی‌دیر،
گؤی‌لریمیز فوتبول کیمی‌دیر.
فوتبول،
یاریشا یاریشا باریشماق‌دیر،
باریشا باریشا یاریشماق‌دیر؛
فوتبول،
بیر تهر قایناییب قاریشماق‌دیر.
فوتبول،
آلیشماق‌دیر،
یانماق‌دیر،
یاراتماق‌دیر،
فوتبول،
یارانماق‌دیر.
هیجان‌دیر احتراص‌دیر،
عصیان‌دیر اعتراض‌دیر
عدالتسیزلیییه قارشی،
برابرسیزلیییه قارشی.
تبلئیغات یازیسی‌دیر دا فوتبول،
تبلئیغات ایکرانی‌دیر دا.
یانی،
عاید اولدوغو خالقی
دونیا خالقلارینا تانی‌دیر دا.
فوتبول،
بیر درام اثر،
دوخسان دقیقه‌لیک
اینسان عؤمروندن،
اینسان حیاتیندان.
یانی،
غمله دمین قارشیلیلقلی نمایشی.
یانی،
دملنمک گریینجه
غملنمک یئترینجه؛
یاشاماغی باجارمایانلارا درس ده اولا بیلر فوتبول.
یانی،
اودارکن سئوینمک،
غم‌لرینی سایا سالمادان.
یانی،
اودوزارکن غملنمک،
وایا قالمادن.
فوتبول،
هامیلیق‌دیر.
یانی،
آغلی قارالی ساریلی قیرمیزلی‌دیر.
یانی،
فوتبول آغ‌دیر.
یانی،
یاشاماق‌دیر.
یاشاماق‌دیر یانی هر نه‌دیر.
آنجاق،
بیر شئیی منی یامان اینجیدیر؛
فوتبول توپونو وورا وورا،
بیر واخت دا گورورلر،
اؤزلریده،
بیر فوتبول توپونا چئوریلیب‌لر ایستادیوم‌لار آرا فوتبولچولار
آی فوتبولو سئونلر
آی فوتبولچولار

۱۳۸۶

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *