آتا / رضا تقی‌زاده(اوزان)
چئویرن: ایشیق
ترجمه: ایشیق
ایشیق
00:00
00:00

SONY DSC
آتا
رضا تقی‌زاده(اوزان)

منیم گوزه‌ل یاشلی آتام
ائل اوبا یادیگاریسان!
چارداغیمین باش دیره‌یی
ائویمیزین دایاغیسان!

دنیز قده‌ر محبتین
شیرین- شیرین سؤز صؤحبتین
آینا کیمین صداقتین
عؤمرومون چیلچیراغیسان!

چکیبسن ائولاد زحمتین
گؤروبسن دونیا مؤحنتین
مرجاندی، دوردی قیمتین
گؤیلومون بارلی باغیسان!

قابار اللر، یورغون گؤزلر
بالاسینین یولون گؤزلر
دیلینده یوخ یالان سؤزلر
حقیقتین اورتاغیسان!

چوخ ائشیتدین نامرد سؤزون
گولمه‌دی دونیادا اوزون
غم یوکونو چکدین اؤزون
سئوگی‌لرین قایناغیسان!

بیر عؤمور غمله باش باشا
دونیایا ائتدین تاماشا
سنی گؤروم یوز ایل یاشا
باغین گوللو بوداغیسان!

حیاتینی ایتیرمیسن
بیزی بورا یئتیرمیسن
عؤمرو باشا بیتیرمیسن
آمما اوره‌کدن داغلیسان!

«اوزان» سنین کیچیک  قولون
گئتمه اولاق بیر قول- بویون
نئیله‌مک که بو اویونون
بیر گئدرگی قوناغیسان!
یای- ۱۳۸۳ – اورمیه

 

اشتراک گذاری در print
چاپ

یک پاسخ

  1. سلام
    حؤرمتلی شاعر و یازاریمیز، رضا تقی‌زاده(اوزان) جنابلارینینا باشاریلار.
    ایشیق سایتینا دا بو ده‌یرلی اورمولو شاعردن پایلاشدیغی گؤزل شعر اوچون تشککور ائدیرم. لطفاً عزیز تقی زاده بی‌دن یئنه ده شعر و یازی پایلاشین.
    حؤرمتله

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

آتا / رضا تقی‌زاده(اوزان)

ایشیق
www.ishiq.net

آذربایجان ادبیات و اینجه‌صنعت سایتی