بوگون دوشنبه 30 فروردین 1400 ساعات 22:27
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

hasan ildirim
سورون آرخامجا
حسن ایلدیریم

آداشیم
قارشیلاشد ی اؤلومله :
آچیلا قالدی حئیرتدن
گؤزلری، آغیزی
اؤلوم قورخوسونون رنگینه بویاندی اوزو!
دوشوندم اؤلومو
دوشدوندوم گئجه گوندوزو!
هئی عؤمورداش !
بیر اکیز دوغولدوق.
اکیز دوغولار وارلیق‌لارین حیاتی لا اؤلومو
ایندی‌کی بئله‌می
قارا بوشلوغون، یوخلوغون
کؤلگه‌سی سن
چاغلار وارلیغین، آیدینلیغین
بلکه‌سی من.
ای گؤزه گؤرونمز کؤلگه‌م
سورون آرخامجا ، سورون…!

یاشارکن
گؤزلریم
سئوگی امه‌جک وارلیغین دؤشوندن.
اوره‌ییم
لچک – لچک سپیله‌جک
گؤی سولارا،
ایزلریم
ناخیش – ناخیش،
ایستلکریم
باخیش – باخیش دؤشه‌نه‌جک یوللارا.
هله وارکن
اؤلوم یا اولوم دئیه دوشونمورم
سورون آرخامجا
سورون اؤلوم!

۱۳۶۶

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *