اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

maftoon
“عاشیقلی کروان” منظومه‌سیندن پارچالار
مفتون امینی

نئجه یئرلشدی داشلار تیر کاماندا
بو آفت یاغمامیشدی هئش زاماندا
سو، دامدان دامسا،آسان‌دور علاجی
اما کی نئیله‌ییم گؤزدن داماندا ؟

بو سولغون باغدا یا رب باغبان کیم؟
هامی حسرتده قالمیش، کامران کیم؟
بازار ظولمتدیر، آمما پول پاریلدیر
عیان اولمور آلان کیمدیر، ساتان کیم!

سویوقدان، ایستی‌دن، داغدان، ایلیقدان
فلک گؤرسنمه‌ییبدیر، بیر قیلیقدان
عزیزیم بیز ایراق دوشدوک، و لاکین
ایراقلیق فرقی واردیر آیریلیقدان

بو کندین گؤل‌لری اؤردکلی، قازلی
گلیر قیزلار بولاقدان نازلی- نازلی
گؤزه‌للیک بیر گون اولسا، بیر گون اولماز
شیرینلیک ایتمه‌ین‌دیر چوخلی – آزلی…

بوتون دونیالرین دردین قانار داغ
سؤال ائتسن، سکوت ایلن دانار داغ
سهندین اوستو قاردیر، آلتی قان‌دیر
بو جوشغون درددن بیر گون یانار داغ

چیراق گؤیدن آسیلسا آی اولانماز
چاییرلیقدان کؤچن سو ، چای اولانماز
ائشیتدیم  بیر گؤزل ایلمک سالاندان
کی هر بیر سؤز قوشان اوختای اولانماز

آرازدا چوخ اوزن وار، چوخ جومان وار
دویان بیلمز کی آجلیقدان اومان وار
آ قارداش، خنجرین تاخ، گؤزلرین آچ
آییق گئت، یولدا دوشمن وار ، دومان وار

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *