اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

MASOOD AZER
مئییت‌سیز مزارلار
مسعود آذر

قاپیمیزین اؤنونده
نئچه ایل‌دیر
مئییت‌سیز قالان بیر مزار وار،
گؤزلرین دیکمیش گؤزومه؛
همن مزارین عینی
آرخا قونشوموزون حیطینده ده وار،
اودا مئییت‌سیز.

هر ایل پاییز کوله‌یی اسدیکده،
خزه‌ل باسیر یئیه‌سیز مزارلاری.
قیشی باشا باش قار بورویور،
بوز آلتدا قالیر
یازیسی پوزولموش بو مزارلار.
مزارین دووارلاریندا
یئرین دامارلاری زینه – زینه آغلاییر،
ایچین چالیر یاز آی‌لاری گلنده.
آمما نه حاییف کی،
هله ده
یایین سون گونلرینده
نیگران مزارلار مئییدین گؤزله‌ییر.

ایللر اؤنجه
کئچرکن بوردان کؤچری بیر قیزجیغاز؛
بیر دسته چیچک قویدو مزار داشینا.
اوزون زامان کئچیبدی،
او چیچک‌لرده سولوب،
یارپاقلاری تؤکولوب،
کؤک سالیب توپراقا.
ایندی
قیوریلیب، بورویور مزاری دولاشیق کؤک‌لر؛
مئییت‌لرین یئرینه دولور
قوجاق قوجاق چیچک‌لر.
آذر ۹۳

 

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *