اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

mahmood-ghobe-zarrin
صبح نامازی
محمود قبه‌زرین (۱۳۱۹- ۷ آذر ۱۳۸۹)

چال عاشیق
چال سازی سسلندیر آماندیر
یوخو آلدی گؤزومو.
گون قارانلیق
سو بولانلیق
اولوب ائل یوردو دومانلیق
سؤندوروب یئل کؤزومو
قهرمان اوغلووون عاشیق داها یوخدور دؤزومو.
سؤنموش او اودلاری مضرابیله اودلاندیر عاشیق!
سووموش او قانلاری قاینات، گؤیه داشلاندیر عاشیق!
قوی نفس گلسین ائله
باغلایاق شالی بئله
دایاناق سئل قاباغیندا
بابالارمیز سایاغیندا.
هایلا گلسین نبی‌نی الده توفنگی ها بئله،
قوچ کوراوغلو ده‌لی‌لرله گله بابک دیریله
هامی وئرسین ال اله!
قوی سنین دوشمانیوین نسلی کؤکوندن قوروسون،
چال ظفرنغمه‌سینی سس بو دیاری بوروسون.
عاشیق آوازی، سازی ائل بوغازی
گئجه‌دن چوخلو کئچیبدیر
قالیب البته آزی
یئتیریب صبح نامازی!
داغلارین باشی منارن،
سازین آواسی آذان.
پرده‌لر حمد ایله سوره
شور شهنازدا قرآن؛
هایلا ستارخان ائلی
اونون ال بیر فامئلی
بو سحر وقتی قیام ائیلییه‌لر،
قیلالار صبح نامازین
بحثی تامام ائیلییه‌لر
تبریز ۱۳۵۶

اشتراک گذاری در print
چاپ

2 پاسخ

  1. تانریم رحمت ائله سین روحو شاد اولسون . مهریبان قلبلی بیر اینسان ایدی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *