اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

rugeyye ali guliyan
پاییز
رقیه علی‌قلیان(لاله)

گلدی پاییز، تؤکدو خزل یارپاغین
سردی یئره بارلی آغاج قوللارین
گئتدی گونش جومدو یئنه قان یئره
سولدو چمن، چکدی سیریق گولشنه
چالدی سازاق ناله‌لی نئی بیر کره
بولبولون آهی اوجالیب گؤیلره
چیلتیگی چالدی یئنه ده قارقالار
وای خبری ظالیمی تئز اوینادار
گؤی توتولوب تؤکدی گؤزوندن یاشی
چشمه گؤزو دولدو هر آخشام باشی
داغ باشی چکدی یئنه چوخ غم قوبار
گئچدی یاشین هی باشینا ووردولار
تیر-تیکانی یولدو سازاق اللری
کوللویه بنزتدی گؤزل گولشنی
آچدی یاشیل شال باشیندان آلمالار
یئل قووان اولدو او گؤزل چالمالار
داغ سینه‌سی چکدی یئنه داغلاری
گؤردو پاییز اِئتدی وئران باغلاری
آچدی قاناد سام یئلی بیردن بیره
سپدی تئلین سونبولون هر بیر یئره
گؤی توتولوب گونه باخان آغلادی
بوینون اَییب کؤوشن اوزون داغلادی
چکدی یاماج “لاله” لرین حسرتین
گلسه بیلر بیرده یازین حؤرمتین
13/7/93

 

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *