چئویرن: ایشیق
ترجمه: ایشیق
ایشیق
00:00
00:00

saxavat izzati
ایکی قوشما
سخاوت عزتی( عندلیب)

کول آغاجلاری
عؤمور گونلری تک اؤتور اؤنومدن
یوللاری گئتدیکجه یول آغاجلاری.
فیکریمی، ذهنیمی چکیر اؤزونه
ایشیق دیرک‌لری، تئل آغاجلاری.

دیل دئدیم دیلیمه دیل وئرمه‌دیلر
ائل دئدیم ائلیمه یول وئرمه‌دیلر
الیمه بیر دسته گول وئرمه‌دیلر
الندی باشیما ال آغاجلاری.

گؤرمه‌دیم دونیانین گول محبتین
محبت‌دن اوزاق یاشاماق چتین
باری مزاریمین اوستونده بیتین
آی گول آغاجلاری، گول آغاجلاری!

“عندلیب” گون کئچدی بیر شئی قالمادی
سئودیگیم هاوانی دونیا چالمادی
حیات باغچاسیندان اسکیک اولمادی
قالقان کؤتوک‌لری،کول آغاجلاری.

نه تلسیرسن؟
 هله گؤرکمیندن گؤزوم دویمامیش
آی دومان بوداغا نه تلسیرسن؟!
روحومون صفاسی مخملی چمن
سارالیب سولماغا نه تلسیرسن؟!

منور اوزوندن آچیلیب لئچک
دونیادا سنین تک دی وارمی گؤیچک؟
روحومو اوخشایان آی گؤزل چیچک
سولوب سارالماغا نه تلسیرسن؟

باشیمین دومانی قووزانیر گؤیه
آمان دئیه- دئیه، آه دئیه- دئیه
سوروشا بیلمه‌دیم آی عؤمور نییه
بئله قوجالماغا نه تلسیرسن؟!

“عندلیب” بیر عاشیق سازینی چالیر
ائشیدجک کؤنلومدن بیر سس اوجالیر
عاشیق یاللی قالیر، واغزالی قالیر
غوربتی چالماغا نه تلسیرسن؟!

چاپ

دیدگاهتان را بنویسید

نشانی ایمیل شما منتشر نخواهد شد.

ایکی قوشما/ سخاوت عزتی( عندلیب)

ایشیق
www.ishiq.net

آذربایجان ادبیات و اینجه‌صنعت سایتی

ایکی قوشما/ سخاوت عزتی( عندلیب)

ایشیق
www.ishiq.net

آذربایجان ادبیات و اینجه‌صنعت سایتی

ایکی قوشما/ سخاوت عزتی( عندلیب)

ایشیق
www.ishiq.net

آذربایجان ادبیات و اینجه‌صنعت سایتی