اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

eldar
هله بیلمیرم
ائلدار موغانلی

نه‌دن دوشدوم بو سئودایا،
وورولدوم بئله، بیلمیرم!
ایلک باهارین قارانقوشو-
گلرمی دیله؟، بیلمیرم!

بو غریبه ایستک نه‌دیر،
گاه یاندیریر،گاه گؤینه‌دیر؛
باش آلیبدی هارا گئدیر؟-
گؤرورم؛ بیله بیلمیرم!

یاش آرتیر یاشیم اوستونه؛
قینانیرام: بو نه، او نه؟
کؤلگه‌دیر باشیم اوستونه،
قانشارا گله بیلمیرم.

گؤیلرینده قوش اولموشام،
بوسبوتون اوچوش اولموشام،
سئوداسینا توش اولموشام؛
کؤنولدن سیله بیلمیرم.

ایکی باشلی بیر اوره‌یم،
آلما ناخیشلی دیله‌یم؛
هاردا قورتاراجاق بو دم؟-
سوروشما! هله بیلمیرم.
شهریور 1393- تهران

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *