ساعات قاباغیندا
سوسن نواده رضی
ساعات قاباغیندا نائب‌الزیاره ایدیم
ساعات منه باخدی، من ساعاتا
اوره‌ک‌لنیب دولوخسوندوم،
دئدیم من من دئییلم، من اویام گلمیشم
باسدی باغرینا آغلاشدیق.
او سنسیزلیگینه آغلادی
منسه آجیلارین سونسوزلوغونا…
نه ییخیلدیغیمیز آلیندی
نه قالخدیغیمیز قارشیلاندی
نه سینیقلاریمیزی سوپورن اولدو
نه ده اؤلوموزو یئردن گوتورن اولاجاق
بیز بیله‌رکدن جانینا جان قاتدیق بو وطنین.
دئییرم
نقدی نیسیه‌یه ساتمازلار
ایکی استکان نیسگیل تؤک گتیر
نفس وار ایکن، نیسگیل‌لشک ایندی
گون گلدیگینده باغداشا قوروب دیز- دیزه چایلاشاریق دا…..
