آی بولاق! / علی جوادپور – سس / کبری میرحسینی
چئویرن: ایشیق
ترجمه: ایشیق
ایشیق
00:00
00:00

آی بولاق! / علی جوادپور
سس / کبری میرحسینی

آی بولاق! / علی جوادپور

آخیشیندا بیر غریبلیک دویورام
نییه کؤورلمیسن، نییه آی بولاق؟
باشیندا گؤزللر دومانمیش بلکه،
ایندی چکیلیبدی گؤیه آی بولاق!

او قایا باغریندان، بو داش ایچیندن
نه یین سئوگی سیله کئچیب گلیرسن؟
کاش دویا بیله یدیم، بیله یدیم کی من-
نه یه وورولموسان، نه یه آی بولاق!

گؤزونده آی چیمر، گونش یویونار
بیر گؤزون نه قدر گؤزللییی وار؟!
گؤرنده گؤزونو، روحوم هر باهار-
بورونر یاشیلا، گؤیه آی بولاق.

آخ گؤزوم گوزگوسو، آخ اوره ییم  آخ
قویما پاییزلانا بو یورد، بو تورپاق
او  دره؛ یام یاشیل، او داغ؛ آغ-آپباق
بو دوزه ده سویون دیه آی بولاق

بیر قورتوم سویوندا دونیانین دادی
دادینا دیمه سین دونیانین آدی
دونیادا دورولوق، صافلیق اولمادی،
قالدیق ائله دئیه-دئیه آی بولاق
قالدیق ائله دئیه-دئیه آی بولاق…

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد.

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

آی بولاق! / علی جوادپور – سس / کبری میرحسینی

ایشیق
www.ishiq.net

آذربایجان ادبیات و اینجه‌صنعت سایتی

آی بولاق! / علی جوادپور – سس / کبری میرحسینی

ایشیق
www.ishiq.net

آذربایجان ادبیات و اینجه‌صنعت سایتی