عنوان: دوستلار گؤروشو / ادبیات اوجاغی

توپلایان: دکتر سلام‌الله جاوید

ناشر:

دیل: آذربایجانجا

رسم‌الخط: عرب الفباسی

تاریخ نشر: اسفند ۱۳۵۹

فرمت: PDF

حجم:
۲۱۱ صحیفه ۱۹.۸ مگابایت

3 پاسخ

  1. یئنه ده سلام. دوستلار گوروشو کیتابی خاققیندا یادیما دوشن ایکی باشقا ایضاحی دا وئریلمه لی یم.

    بو کیتابین تایپ ایشلرینی جودت خانیمدان باشقا ایللر بویو فولکلور و دیلیمیزین اوغروندا چالیشان و نئچه ایل قاباق آللاه رحمتینه گئدن عبدالکریم منظوری جنابلاری گورموشدور.دوکتور جاوید ده بونو کیتابدا آچیقلامیشدیر. هم ده کیتابدا گئدن شعرلر- ادبی قطعه لر و نثر پارچالاری نین هامیسی تایپ یوخ گوزل خطله یازیلمیشدیر. بو خوش خطلرین خطاطی گورکملی شاعیریمیز و ماهنی لاری ایله رادیو – تئلویزیویادا سسلنن واله تخلصلو محمود دست پیش جنابلاری اولموشدور. گورورسونوز کی بیر کیتابین حاضیرلانماسیندا نئچه- نئچه اینسان بیر- بیرلری ایله یاردیملاشیب و بیر اثری ائلیمیزه تقدیم ائدیرلر.اولنلره رحمت و قالانلارین هامیسینا اوزون و شرفلی عومور دیله ییریک.

  2. دکتر جاویدین تهراندا کی ائوی و هم ده مطبی( یا اوزو دئمیشکن محکمه سی)فرهنگ و شاپور خیاوانلاری نین آراسیندا واقع اولان و بیزیم ائویمیزین یاخینلیغیندا ایدی.بو کیشی بو ارزشلی کیتابی حاضیرلایان زامان من دبیرستانین سون ایلینده ایدیم و دیپلوم آلان ایلیم ایدی.دکتر جاوید مندن ده کیتابین حاضیرلانماسیندا یاردیم ایسته دی. البته منیم یاردیملاریم چوخ ساده ایشلر و بو کاغاذلاری اورایا آپار بورایا گتیر حددینده ایدی. کیتابین تایپ ایشلرینی دکتر جاویدین ائوینین یاخینلیغیندا اولان خسروخاور مدرسه سینده تدریس ائدن بیر معلم ( خانم جودت)انجام وئردی. بو خانیم ۱۳۲۴- نجی ایللرده تبریزده آذربایجان دولتینده دیرلی ایشلر گورن مرحوم جودتین قیزی ایدی. آنجاق بو کیتابین حاضیرلانماسیندا هامیدان چوخ حسن مجیدزاده- ساوالان- رول اوینادی. شاعیر مجیدزاده حاضیرلاما ایشلریندن علاوه چاپ ایشلری و آپار – گتیر لرین هامیسنی دا عهده سینه آلدی. بیر ده بونو دئییم کی دکتر جاوید بو کیتابی و دیگر چاپ ائتدیردیگی کیتابلارین هامیسینین پولونو اوزو قویوب و تخمینا کیتابلارین یئتمیش فاییزینی موفته سینه اونا- بونا وئرردی. ایشیق سایتیندان بو کیتابی ۳۳ ایلدن سونرا اینترنت واسطه سیله دیریتدیگی اوچون تشکر ائدیرم و بیر داها بو کیتابدا آدلاری گئدن و ایندی بیزیم آرامیزدا اولمایان بیر چوخ یازیچی و شاعیرلرین خاطیره لرینی عزیزله ییرم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *