ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

sarafraz
منه قالان‌لار
محمد سرافراز

سحر- سحر قافامداکی خاطیره‌لر منی راحات بوراخماییردی؛ قلمی گؤتوروب اونلاری کاغاذین اوستونه سرمک ایسته‌دیم, اما کوچه‌دن گلن بیر قوجا کیشی‌نین تیتره‌ین سسی فیکریمی اؤزونه آلدی :

-خیردا چؤره ک آلیرام!

-کؤر کؤهنه وسایل آلیرام!

اللریمی دیزلریمه قویوب آیاغا دوردوم. چووالی گؤتوروب هر نه کؤهنه وساییل واریدی ییغدیم؛ چووالی گؤتورنده بئلیم آغریدی؛ دوغروداندا آغیر‌ایدی. قوجا کیشی دووارین بوجاغینا سیغیشیب سیگارا چکیردی. چووالا باخیب دئدی :

-هامیسی کؤهنه‌دی ؟

-هن دئدیم

چووالیمی بیر بؤیوک چووالا بوشالدیب, بیر دسته بوزوشموش پول وئریب دئدی :

-الله سنه مین برکت وئرسین!

یولا دوشوب گئتدی. آرخاسینجا باخدیم، کؤهنه کوتونون یاماغینی یاخشی تانییردیم, چووالدان‌ایدی .

کوچه هله اونون سیگارئتی‌نین قوخویوردو. دووارا دایانیب یئره اوتوردوم؛ سیگارئتی‌نین کؤتویو هله‌ده توستوله‌ییردی. گؤتوروب بیردرین نفس ووروب, هاوایا بوراخدیم. کوچه توستویه بولاندی؛ گؤزوم قاباغیمداکی اوشاقا دوشدو. چؤنبه‌لک دووارا سیغیب, منه باخیردی. پاییز یئلی یاناقلارینی یارپاقلارکیمی سارالتمیشدی.

بوزوشموش پوللاری آرخاسیندان آسلانان چانتایا قویدوم. آناسی سسله دی :

-تئز اول بالا گئژدی!

الینی آناسی‌نین الینه وئریب قوجایلا بیرلیکده سحرین چنینده گؤزدن ایتدیلر.

باشیم گیجللنه – گیجللنه ائوه قاییتدیم. یازماق ایسته‌دیم, آمما نه قلم ، نه ده کاغاذ واریدی. هامیسی چووالدا گئتمیشدی. منه قالان یالنیز توستوله‌ین سیگارام ، بیرده چاخیریم‌ایدی .

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *