گلین آپاریرلار سینه‌مده!
سپیده رسولی
بؤیوک- بؤیوک گمی‌لر گلسه‌ده،
بوغولمالی‌یام بو قیرمیزی بالیقلی سودا؛
آی قیرمیزی یاناقلی بالیق‌لار
دوداقلاریم‌لا نفس آلماق زوردی،
گلین دولون آغزیما نفسلندیرین سینه‌می!
سینه‌م شپه‌لی دلی دنیزلر هاواسی چالیر،
قولاغینی یاتیرتسایدین سینه‌مه
آیاق‌لارین یئرده دایانمازدی بو آن،
سینه‌مده گلین آپاریرلار آخی
گلینلیک پالتاری سو اوزونده،
لوم لوت بئی ائوینه گئده‌ن بیر گلین!
آی قیرمیزی یاناقلی بالیق‌لار،
گلین دولون آغزیما گمی‌لر گلمه‌دن!
قورخمایین چابالامایاجاغام،
سیزی سئویرم
دانا- دانا دیلیمین اوجوندا اوینارکن،
سیزی سئویرم
دانا- دانا بوغازیما زویویرکن،
سیزی سئویرم؛
چابالامایاجاغام بوغولسام دا!
2 پاسخ
عزیز و سئویملی دوستوم فریباجان چوخ ساغ اول کی وقت آییریب، اوخویوب و یازیبسان باخیشینی …وار اولاسان همیشه
چوخ گؤزل .ساغ اولون سپیده عزیزم .