داش‌لار
حسن صفورا
داش‌لار
آسلانیب آغاجلاردان
هره‌سینین بیر آدی وار
سایا گلمز داش‌لار
سایا گلمز آغاج‌لار.
بئشینی بیزیم شهرده آسدیلار
یوزونو سیزین دره‌ده کی باغدا
مینینی ماراغادا
اون مینینی اردبیل‌ده
اوتوز مینینی تبریزده،
هله قالسین زنجان – میانا دره‌لری
یاخود آرازین ساحیلینده بوغولانلارین سایی.
هر آغاجین بیر آدی یوخ
مین آدی وار،
هر آدین بیر داشی یوخ
مین آدامی وار،
بیر گون
گون چیخاندا
داش‌لار
آغاج‌لار
آدام‌لار
هامیسی اویاناجاق
باهار فصلی تک.
