قورخو
علی تقی‌زاده لاریجان
من‌ده تله‌سیرم سن تکی آ دوست
شاختالی قیش دؤنه ایلیق باهارا
یایین هنیرتیسی حسرت یارادا
کؤنلوموزده یئنه شاختایا، قارا
فصیل‌لر، هاوالار نه اولور اولسون
خوشدی صحبتینله اؤتوشن آن‌لار
سنله وصف ائدنده چوخ اینجه‌لشیر
دره‌لرده چای‌لار داغدا دومان‌لار
هئچ نه‌دن قورخمورام هله‌لیک گولوم
چاراسیز دردلره تاپیلیر چارا
یامانجا قورخورام ائله گون گله
سنله دانیشماغا سؤزوم قورتارا !
یک پاسخ
سالاملار و سایقیلار؛
یاشاسین عزیز دوستوم علی تقی زاده جنابلاری… سیزه اوغورلار دیله یی ایله.