دونیا قادین‌لار گونو موبارک اولسون

قیرمیزی الجک‌لر
فرشته رسولی

قار گؤزلرینی دولدورموشدی
حیاتا قار یاغیردی
حیاتا سن یاغیردین
دونموش اللرینی زیندانین مولاقات گونلرینده بوراخدیم
تبریزین شعرلرین زینداندا یازدیم
زیندان شعرلری گؤزلرینین شعرلریدی!
زینداندا سنی دوغدوم
سنی امیشدیردیم
سنه قیرمیزی الجک‌لر توخودوم
زینداندا سن واریدین
زینداندا سن یوخیدین
آجی دوداقلار واریدی زینداندا
زینداندا رؤیالاریم آناسیز قالدی
یورقان دؤشه‌ییمه قار یاغدی زینداندا
الجک‌لرینی تاخ الینه
الجک‌لریم؟!
قیرمیزی الجک‌لرین زینداندا قالدی!