دوقتور “مرتضی مجدفر”ی ۵۰ یاشی موناسیبتیله تبریک ائدیریک
آذربایجانین تانینمیش ناثری و ایشیق سایتی‌نین ایلک فعالیت گونلریندن اونونلا صمیمیتله امکداشلیق ائده‌ن دوقتور مرتضی مجدفر عؤمرونون آلتینجی اون ایللیگینی باشلادی. بو موناسیبتله ایکی آیلیق “شوکران” درگیسی اؤزه‌ل سایی بوراخمیشدیر. درگینین بو اؤزه‌ل ساییندا مجدفر جنابلاری‌نین حیات و یارادیجیلیغی باره‌ده مختلف یازی‌لار گئدیبدیر. او جومله‌دن: دوقتور علی اکبر شعاری‌نژاد، دوقتور علی رؤوف، دکتر غلامرضا حاجی حسین‌نژاد،دکتر محمدرضا سرکار‌آرانی، ابراهیم اصلانی، دکتر لیلا سلیقه‌دار، دوقتور محمد عطاران، دوقتورحسین محمدزاده صدیق، دوقتور حسن ریاضی(ایلدیریم)، مهندس امید نیایش، دوقتور حسن نمکدوست تهرانی، دوقتور حیدر تورانی، علی محمد بخشوده، دوقتور محرم آقازاده، فریبا بندی، وحیدرضا نعیمی، فهیمه عباسی شاهکوه، لیلا گودرزی، ایران مجدفر(یازارین باجی‌سی) و فاطمه‌قائمی(یازارین حیات یولداشی) یازی‌لاری.
“ایشیق”؛ آذربایجان ادبیات و اینجه صنعت سایتی مدیرلری و ادبی شورا عضولری سئویملی ناثریمیز دوقتور مرتضی مجدفری دوغوم گونو موناسیبتیله صمیمیتله تبریک ائدیر و یورولماز صنعتکاریمیزا اوزون عؤمور، جان ساغلیغی و یئنی- یئنی یارادیجیلیق اوغورلاری آرزولاییر. / مهر ۱۳۹۲
4 پاسخ
استاد عزیز ودوست گرانقدر جناب آقای دکتر مجدفر تولدتان را تبریک می گویم… همواره شاد و سلامت باشید و درمسیرزندگی تان موفق باشید
گون او گون اولسون یوز ییللیغینی تبریک ائده ک . جان ساغلیغی منیم اوره ک آرزیم دیر. یاشاسین یاشاتسین
دوکتور مرتضی مجدفر جنابلارینی ۵۰ یاشی موناسیبتیله تبریک ائدیرم .او ، معاصیر ایللریمیزده اولان ادبیات و مطبوعات یولوندا بوتون آذربایجانیمیزین فداکار اوغوللاریندان دیر. اینانیرام کی ،دوکتور مرتضی مجدفر جنابلاری خاطیره لرینی یازیب گنجلین ایختیاریندا قویسا ، یقین کی اونلارا بیر اؤرنک اولا بیلر. او چوخ دیرلی بیر وطنداش، قلم صاحیبی و بیلگینلی بیر شخص دیر .او نون تواضعکارلیغی منی همیشه واله ائدیب. یولو داه دا اوغورلو اولسون./. ائل اوغو – تهران-۲۱-۷-۹۲
مرتضی مجدفر ین ۵۰- نجی دوغوم گونونو اوره ک دن تبریک ائدیره م. اومود کی یاشام بویو بدیعی یارادیجیلیغینا دوام ائتسین . او ادبیاتیمیزین بیر دانه سی دیر و سئویملی بیر کاراکتره صاحیب دیر.اونون تلاش لاری اونودولمازدیر.