نه گؤزه‌لسن آنا وطن
سنسن منه آنا، وطن!
گول چیچکلی باغلارین وار
چوخ ویقارلی داغلارین وار
تاریخینه وورغونام من
شهریارام، وورغونام من
قوینوندا بسله‌دین منی
چوخ سئویرم من‌ده سنی
وطن، وطن، جانیم وطن
داماردا آل قانیم وطن!
سن آنامسام هم‌ده آتام
نئجه اولار سنی آتام؟
عشقین اولوب منیم جانیم
فخرین اولوب آدیم، سانیم
شرف، غئیرت کانی وطن
سئومه‌یه‌نین هانی وطن؟!
قوینوندا بسله‌دین منی
اونوتمارام بیر آن سنی
وطن، وطن، جانیم وطن
داماردا آل قانیم وطن!
3 پاسخ
یاشاسین وطنین ایگیدلری
یاشاسین شاعیر دوستوم علیرضا قارداش
سالاملارو سایغیلار. اکبر بئی گؤزل شیرینیزدن چوخ چوخ سئویندیم. سیزه مین یاشا. گوزل ،جناسلی ،معنالی و اوره گه یاتان دی .