قاراداغ
بختیار موغان‌اوغلو

شانلی دیاریسان بابالاریمین-

سنده دیر سولطانیم, خانیم قاراداغ!

تله‌سیک دؤیونور غم ایچینده‌دیر-

بو اسیر اوره‌ییم, جانیم قاراداغ!

***

دوروب ستارخانین الی قاشیندا,

نه دیر او چن, دومان گزیر باشیندا؟

قالانسین تونقالین “اوچ قارداش”یندا

ایللره دؤنوبدور آنیم قاراداغ!

***

آ تاریم, کامانیم, اوزانیم منیم!

شانلی تاریخیمی یازانیم منیم!

تومروسوم, بابکیم, قازانیم منیم!

قویما حسرتینده یانیم قاراداغ!

***

“موغان اوغلو”دئییر آ مهریبانیم!

آدین چکیلنده قایناییر قانیم.

سنه فخر ائله‌ییر آذربایجانیم،

وار اول آ شؤهرتیم, شانیم قاراداغ!