سئـوگی اوره‌ک‌لره نوردیر، چیراق‌دیـر
سئویمه، سئوینجه ایستی اوجاق‌دیــر
سئوگی هم دنیز دیر، هم ده مایـاق‌دیـر
سئـوگیسیز قارانلیق داخمادیر جها ن
دنیادان سئوگی‌له اوجالار انسان.
سئـوگی‌له یاشایاق شنلیک دوغـولسون
اوره‌کلردن کـده‌ر، دومـان قـوولسون
شنلیک‌له عـؤمورلر قوشا یوغرولـسـون
قارداشلیق یارانـسین ا ئـلده، اوبـادا
سـئوینـجی پایلاشاق بوتون دونیادا.
سـئوگی‌له گولومسر گولمز دوداقـلار
آلماتـک پـاریـلدار اوزلـر، یاناقـلار
سـئویمدن گول آچار بوتون اوجاقلار
ا وجـاقلار گور یانار، دیلّلر با ل اولار
“دادبـر” سئـوگیسیز سارالار، سولار.
۲۸/۴/۱۳۶۲
یک پاسخ
گوزَه ل بِئچَه لَر، نازلی فَریک لَر
کوشَن لیک اوستَه بیر نِئچَه خُوروز
اونلاردان، چُوخ چُوخ چیل، قارا تُویوخ
فَریک لَریلَه، بِئچَه لَریلَه.ساغ سُولا قاچیب .اوُیناییردیلا
دن دُوشوردولر دیمدیک لَریلَه یَئر اوزه ریندَن
گوزَه ل بِئچَه لَر، نازلی فَریک لَر
فیکیر، خیال سیز دیمدیش له شنده
سوز دِئییردیلَر گِئچمیش لَریندَن خوش کونلَریندَن
یئنی دَن، یِئنَه، شَنلی بئچه لَر دیم دیشلَشیردی فَریک لَریَه
شَنلی بیر حالدا گاه قانادلانیب اوچما دِئیدیلَر
گاه اوینامادا قاچماخ دِئیدیلر
اونلار اوچمادا*
منیم گوزلَریم یالّلی گِئدیردی گوزَه لّ لریلَه
ساپلاندی گوزوم یالّلی گِئد ندَه ، بَرَدَه یاتمیش ساری چاقّقالا
گوزون توشلاییب ناز لیجالارا
دُوشونَه وورسون گول بالالاری
بونو گوروین گؤزلَریم دولدی
اولماز ائیشلردهَ یِئر آلدی اُولدی
چاقّقال گوزلَرین بیر آزجا یومدی
کووشَن اوزَه ری ِیئل لَنیب جومدی
عِینی زاماندا، قوپدی های، هارای
قیشقیرخ سَه سی دیل لَردَه آخ وای
نالَه اوجالدی سما اوزونَه
داملاتک سوزدو بولود گوزونَه
هایخیردی بولود شیمشَگین شاخدی
یِئر اوزَه رینه سِئل کیمی آخدی
هایلادی یاتانی بوتون دانلادی
یاتان خُوروز لار دوروب بانلادی
قیشقیریق سالدیلار کووشَن اوزونه
دوستوسو دولدی چاقّقال گوزونَه
بوتون خُوروزلا قانادلاندیلار
سمایَه ساری اُوجالاندیلار
سماء اوزوندَن یئر اوزَه رینَه
مَرمی تک فیشقیریب هی جالاندیلار
ساری چاقّقالین گوزون اُویدولار
جان دَریسینی یامان سُویدولار
بونو آنلایان دَرین بانلادی
چونوب اِئلینی یامان دانلادی
بیرلَه شَن ائِلّ لر بویله دِئدیلَر
ظالیم اِئوینی ییخماخ گَرگ دیر
ظالیم اِئوینی ییخماخ گَرگ دیر ۲۴/۸/۷۸ سعید – امیر دادبر