سحر آلاقارانلیغیندا، ایاقلاریما ساریلیر
قارا بولوددان اسن سویوق کولک،
ییرتیر پنجره‌مین پرده‌سینی
تیتره دیر هر شئیی.
کؤچری قوش‌‌لار بوغاز‌لاریندا بوغولموش های‌لارینی
گوجسوز گؤیده‌لرینده داشییاراق
کئچیرلر گؤزومون اؤنوندن
بیر، ایکی، اوچ
یوخ قاطار-قاطار؛
اوفوقلری یارا-یارا
قاناییر قاناد‌لاری
اؤزوندن اوزگون
سیرادان سورگون
آرخادان قوپاریلمیر یاشارمیش گؤزلری
اسیم-اسیم اسدیرن کولک
قوواراق کؤچوردور بورا‌لاردان قوش‌‌لاری،
کیریدیر جان‌لاری
باغلاییر ال‌لری، ایاق‌لاری
ییخیر یورد‌لاری، یووا‌لاری
قاچیر‌لار قوش‌لار
اوچور‌لار قوش‌لار
کؤچورلر قوش‌لار
بیر، ایکی، اوچ
یوخ قاطار-قاطار
اوفوقلری یارا-یارا
قاناییر قاناد‌لاری
آی…
آل منی قوینونا دنیزده کوکرین دالغا
اوچور منی ساورولان کولک
گؤتور منی گؤیدنده گؤی
اوره‌ییم قاناییر!