قاپانمایان جیفت گؤز وار اوستومده
پالتار کیمی چکیلیب‌دیر گؤوده‌مه؛
ایشیل- ایشیل
اویوشمایان باخیشی وار گئجه‌‌مده.
گودوشونون آدامی‌یام،
گئدیشیمین قاییدیشیمین قایغی‌ قایناغی
ایلدیریم تک فلش وورور آتدیغیم آددیملارا.
اؤتن گونومده‌ گورولتو سسی اؤتور،
گلن گونومه سیخ بکله‌دیییم اؤزله‌می
صاباحیمین هنیرتیسی آیدینلادیر؛
گون‌اورتاما دوشو شاخی‌ییر
گئجه‌ پامادوروما گؤزلری‌نین گیله‌سینی یاغا چالیب یئییرم،
پلانیم سس ساعاتینا قورولور اون’ دا
قیرسال جیغیر یوللاریمی اویوب- اویوب آسفالت ائدیر
پاسلی دمیر اوزویومو اویوب- اویوب قیزیل ائدیر؛
قاپانمایان اولو گؤزون شه‌هری‌یم
یاغیز گؤزون
قیرغیز گؤزون.