شاعر «علی‌چاغلا»نین ایشیق سایتینا گؤندردیگی خبر:
تورک مدنیتی و ارثی تشکیلاتی‌نین رهبری آکتوتی رایمکولووا لهستانا رسمی سفری چرچیوه‌سینده لهستان جمهوریتینین سئناتی‌نین معاونی میخاییل کامینسکی ایله گؤروشوب.
ادبیات و اینجه صنعت سایتی، تشکیلاتا استناد اولاراق خبر وئریر کی، گؤروش زامانی تورک دونیاسی و لهستان آراسیندا مدنی علاقه‌لرین انکشاف ائتدیریلمه‌سی، بیرگه لایحه‌لرین حیاتا کئچیریلمه‌سی و مدنی ارثین قورونماسی استقامتینده امکداشلیق مسئله‌لری مذاکیره اولونوب.
خانیم رایمکولووا تشکیلاتین تورک دونیاسینین مدنی و تاریخی ارثی‌نین قورونماسی و تشویقی ساحه‌سینده گؤردویو ایشلر، ائله‌جه ده لهستان ایله بو استقامتده ممکن امکداشلیق پئرسپئکتیولری باره‌ده معلومات وئریب. او، لهستاندا یاشایان تورک منشأ‌لی جمع‌لرین – تاتارلارین و کارائیم‌لرین مدنی ارثی‌نین قورونماسی و اؤیره‌نیلمه‌سی ساحه‌سینده بیرگه تشبث‌لرین حیاتا کئچیریلمه‌سینین واجب‌لییینی وورغولاییب.
سئناتین معاونی جناب کامینسکی، لهستانین تاریخی و مدنی ارثین قورونماسینا بؤیوک اؤنم وئردییینی قئید ائدرک، تورک دونیاسی ایله مدنی مبادله‌نین انکشاف ائتدیریلمه‌سینین اهمیتینی بیلدیریب.
گؤروشده آذربایجان جمهوریتی‌نین لهستانداکی سفیری نرگیز قوربان‌اووا و قازاخیستان جمهوریتی‌نین لهستانداکی سفیری عالیم کیرابایئو اشتراک ائدیبلر.
گؤروش طرفلری ماراقلاندیران دیگر مسئله‌لر اوزرینده مذاکیره‌لرله داوام ائدیب. (خبرین سونو)