شاخی‌ییر گونش
پنجره‌دن،
شوشه‌د
اوزومه
خالچایا،
قالیر پارا یوخوم
گئجه‌دن
قالمیش
ایسلانمیش
قوروموش دوزلو گؤز یاش‌لاریم،
دلیر
دئشیر خالچانین باغرینی
نه بیلیم بلکه هله ده
هله ده گؤنوموز قالین‌دی اؤلمه‌میشیک، قالمیشیق
گؤتوروب کیپریک‌لریمی، سوپورورم خالچانین اوستونو
درین
شیرین
خیالا
یوخویا‌ گئدیرم
مینیرم خالچایا
یولا
بوراخیر گوی‌لر تپکی
خالچانین آجیسینا
کدرینه
اسیر یئلین اور‌ه‌یی
دولور پلمه‌لرین گؤزو
شاخی‌ییر گورشاد
یاغیر توزلو
طوفا‌لی یاغیش
چالخالانیر خالچانین توزو- توپراغی
دئشیلیر هر بیر ایلمه‌دن
غم
کدر
تؤکولور یئر کوره‌سینه
گئدیرم
گئدیرم
اوزون بیر یول گئدیرم
دنیزی
دوزو
سئوگیسی اولان
یئره
شه‌هره.