اوزومده قیلینج‌دان یارا وار کیمی‌دیر
تاپسین‌لار دئیه ایز بوراخیلمیش کیمی‌دیر
چالایا دا، چوخورا دا، یاریغا دا اوخشار کیمی‌دیر
اوره‌ییمده‌کی یار کیمی
هامینین بیلدییی یاخین‌دا آلیناجاق جان کیمی
باسیلاجاق
ائدینه‌جک
ال‌دن
ائل‌دن وئریله‌بیله‌جک یورد قورخوسو کیمی
وار کیمی
یوخ کیمی
وار-یوخ کیمی‌دیر
نه دئییم
یاموق آتیلمیش اوخ کیمی
خط کیمی
اؤپوله‌جک ات کیمی‌دیر
شاهه قالخان آت کیمی
یانیغی قالان اوت کیمی
نه‌یی‌سه اودماق‌دا اولان اووورد کیمی
سئوینج‌دن سونرا کی بوشلوق کیمی‌دیر
خوشلوق کیمی
چکیلن آه
اوْه کیمی‌دیر.