آلاولانان گونش اوزون
گؤرمه‌میشدن اؤلمه‌یم کاش!
دوداغیندان کؤرپه اؤپوش
درمه‌میشدن اؤلمه‌یم کاش!
طاغی پوزولموش طاغلارین
آلاغدا ایتمیش باغلارین
پیرتلاشمیش تئلین داغلارین
هؤرمه‌میشدن اؤلمه‌یم کاش!
کئچمیشلری بوخچالاییب
صاباحلارا ایز جالاییب
کئف یوواسین قورجالاییب
سورمه‌میشدن اؤلمه‌یم کاش!
بو یول اوستدن اؤتنلره
شئه مینجیقلی چیمن‌لره
سئوگیمی یاسمن‌لره
سرمه‌میشدن اؤلمه‌یم کاش!
