(۱): سبد
بیر آیاغین قیزیل
بیر آیاغین گوموش
یول گئدیرسن عشق تؤکولور؛
سبد- سبد گول ییغیرام
آددیم‌لارین شعر اولور،
آوارا قالیرام
سبدلرین آراسیندا.
(۲): سنسیزلیک
سنسیزلیک دئمک
هاواسیز دئمک بیر شئی‌دی.
سنسیزلیک دئمک
باغریمدا بیر توتغونلوق
نفسلریمده بیر آغیرلیق
روحوم، جانیمدان اوچان آن تک بیر شئی‌دی.
سنسیزلیک دئمک
اغاجیندان دوشن
قوروموش یارپاق کیمی بیر شئی‌دی.
بیر آجی روزگار
اطرافیمدا یارپاق سوروسو آپاریر
آپاریر
آپاریر
بیر اینانیلماز قریب یئرلره آپاران تک بیر شئی‌دی.
(۳): هیجرت
یئل‌لردن پریشان
آغاج‌لاردان چیلپاق
چای‌لاردان یانغین
بولودلاردان یاغیش‌سیز
هر بیر سئومک‌دن اوزاق
هیجرت‌لرده قالدیق سورگون بیر انسان تک
اؤلکم‌دن
دیلیم‌دن
اوزاق دوشن زامان.
