گلیرسن یوخوما قارانقوش کیمی
عؤمروم زولاللاشیر گؤزده یاش کیمی
چیرپینیر اوره‌ییم ایلک گؤروش کیمی
قالیرام قارشیندا لال داریخیرام
قویما بو آیریلیق میدان اوخویا
سئوگی یول‌لارینا چپر توخویا
بیر گئجه یوخومدا قالیب یوخویا
بیرجه گون منیمله قال داریخیرام
گؤزومده حسرتین آغیر شله‌سی
یولومدا دونیانین هیجران تله‌سی
قورخورام کی گون‌لر اؤته بئله‌سی
گلدیکجه اوست-اوسته ایل داریخیرام
“قاییتماز” عؤمروموز گئدیبسه بوشا
آچمادیم بو سیرری دوستا- تانیشا
تکی سن دونیادا آرخایین یاشا
یئتر کی اوزاق‌دان بیل داریخیرام
یک پاسخ
salamlar söyləyərək öz təşəkkürlərimi bildirirəm və sizə yorulmayasız deyirəm