پاهو سئیل. دونیانی بوینوزونا گؤتوروب. مراکئش‌ده دنیزین کئشی قاچیب. آستارادا سئیل کیشی کیمی، موغاندا کیشمیش کیمی آخیر دام دوورادان. دنیز کئفله‌نیب کوچه‌لرده یورویور، دیمدیییم کَفلندی «آغاجلاری کَسمه‌یین» دئییه جینقیلداماقدان. بیز یازیق چیلانلارین فیکرینده اولمادیز کی، هانسی آغاجا قونوب سئیله باخا بیلمه‌ییمیز اوچون.
مراکشین سئیلی آستارایا، آستارا موغانا قوشولوب. داملارین هامیسینی آپاریب، آداملارین یاریسینی. آدام سئلی، بادام سئلینه دؤنوب. تئهراندا سایکوتراپلار توپچونو درمان کاناپه‌سینه اوزادیب، قارنینا گیرن باداملاری چیخاردیر. «اولسون بادام حافیظه‌یه خئیردیر، اونوتمازسان بو گونلری» دئییرلر.
بلکه اینسانلار قورخوسوندان یئرینه ایشه‌ییب. یوخودان دیک آتیلیر توپچو. بوجور سیرتیغینا راس گلمه‌ییب. بئله عاشیق سئیله، «اَده ته‌یه‌رین آلتینا گیردین گؤزله» دئییر. سئیلین قولاغی کار، گؤزو کوردور آرواد. بیز اوجاداییق قورخما هئچ نه ا‌ولماز. یومورتالارین اوستوندن ترپنمه. بیلمیر هارا سوخولوب نه ایش گؤرسون. بوینوزونا گؤتورور. فینالدا فوتبال چامپیونلارینی باشینا گؤتورن کیمی.
یوخودا یئرین ایچینده کابوسدان بورخولور. سئیلین بوینوزوندا آداملار، سئل بوزا دؤنور. سونرا بوزلارین اوستونده ائسکی گئتمه‌سینی گؤرور. اسکیناس آلیب توپو بورجودور. شاباش باشیندان تؤکوله تؤکوله یوخودان آتیلیر. هئتل ائسپیناسین پرده کیرکیره‌سینی قیراغا وورور. دیریبله‌یه‌ ده بیلمز. داغلارین اوستونده چادیر ووروب یوخلاییب. یئنه صاباح، یوخودان دوروب ایشینه باشلایان، سئیل. بیر پرتغال‌سئل تاپیب «منی گلین بوردان قورتارین» دئییه یاردیم ایسته‌ییر، بوردان قورتاراجاغی اولمایان یازیق رونالدو.
۱۴۰۲/۰۶/۲۸