ایسنا خبر آژانسی‌نین یایدیغی خبر اساسیندا، «آمریکا، آمریکا» و بیر چوخ انقلابی مارشلارین خواننده‌سی و بسته‌کاری اسفندیار قره‌باغی آذر آیی‌نین ۱۷نجی گونو بیر مدت خسته‌لیکدن سونرا ۷۹ یاشیندا یاشادیغی تبریز شهرینده وفات ائتمیشدیر.
اسفندیار قره‌باغی ایتالیادا موسیقی تحصیلاتینی بیتیرمیش، انقلابدان سونرا نئچه یوز مارش و ماهنی‌نین خواننده‌سی اولموشدور. انقلابی موسیقی‌یه ائتدییی خدمتلرینی ده‌یرلندیرمک اوچون «وزارت ارشاد اسلامی» طرفیندن فخری دوکتورویا و رسمی ارگانلار طرفیندن «انقلابین سسی» عنوانینا لاییق گؤرونموشدور. انقلابدان سونرا رسمی ارگانلاردا داشیدیغی مسئولیتلریندن: تالار وحدت کر گروهونون رهبری، صدا و سیما کر گروهونون رهبری، انقلابی سرودلار مرکزی‌نین رئیسی، ایران موسیقی ائوی‌نین کلاسیک آواز کمیته‌سی‌نین رئیسی، رادیو موسیقی بؤلومونون رئیسی، کانون هنرمندان ایران‌ین رئیس معاونی مسئولیتلرینی آد آپارماق اولار.
اسفندیار قره‌باغی‌نین جنازه‌سی جمعه گونو تبریزین جمعه نمازیندان سونرا سئونلرینین مشایعت و اشتراکی ایله وادی رحمت مزارلیغینین صنعتکارلا بؤلومونده تورپاغا تاپشیریلیبدیر. (خبرین سونو)
یک پاسخ
روحو شاد اولسون.