بیر گونلری حیوانلار باغچاسیندا

بیر فیل وارمیش، بیر ایپ توپوخچاسیندا

فیله گؤره چوخ اینجه‌یمیش بو ایپلیک

دولاشمیشدی قالمیشدی قالچاسیندا

بیر گون بیری گلیب فیلی گؤروبموش

قولاقلارین، خورطومونو اؤیوبموش

اوزون توتوب فیلین ائییتمه‌نینه

بو اینجه ساپ نه‌یه یارار دئییبمیش

بیز بونلاری اوشاقلیقدان باغلاریق

یئمین وئریب هردن ده قَشولاریق

دارتیشارلار قیرانمازلار ایپلری

اینجیتسه‌لر یانچاقلارین داغلاریق

یاهالداریق بئیینلرین بو سایاق

ائششک کیمی یئیه‌رلر بیزددن دایاق

سانارلار کی قیریلماز هئچ بو ایپلر

هارا گئتسه‌ک اولارلار بیزه آیاق

اؤز اؤزونو باغلامیش‌ایدی او فیل

بئینی کیچیکلیکدن اولوبدور سفیل

اشرف-ی-مخلوق دئییرلر سنه

باغلاما سن اؤز اؤزونو ای غفیل!