قان آغلایان دوغما یوردوم
یعقوب نامی
داغ اوستونه داغ باسیلدی
پارچالاندی یئرین باغری
سیلکه لندی اووجون دا دونیالارین
قوجاغ آچدی تورپاغ سنه.
آنالارین لایلالاری
شیون اولدو،
آغی اولدو؛
آتالارین کوکرک سسی
بوغولدولار تورپاغلاردا.
سن ای منیم قان آغلایان دوغما یوردوم،
داریخما گل!
فخر ائله کی ایگیدلرین مسکنی سن؛
آرخا دوروب
سهند، اورمو، ساوالانین.
امینم کی
بولودلارا سؤیکه نه جک باشین سنین،
یئددیلرده کوکره یه جک هارایلارین،
بورویه جک عالملری عظمتین،
شان- شوهرتین
آذربایجان!
