ادبیاتیمیزین بیر بوداغی‌دا قیریلدی. «شامی»ده گئتدی
الیمیزه چاتان خبر اساسیندا ، هله ادبیاتیمیزین گؤرکملی سیمالاریندان اولان شاعر «تورک اوغلو»نون ایتگیسیندن توختامادان، دیگر تانینمیش آذربایجان شاعری محمود صاقپور(شامی) آغیر خسته‌لیکدن سونرا دونن اورمی شهری‌نین امام رضا خسته‌خاناسیندا ابدیته قوووشدو. سئویملی شاعریمیزین جنازه‌سی بو گون -جوما آخشامی- تیر آیی‌نین ۱۰ی ساعات ۱۰-۱۱ آراسی اورمودا اؤز ائوی قاباغیندان، دوستلاری و قلمداشلاری‌نین مشایعتی ایله بارجوق کندینه آپاریلیب و بو کندین قبریستانیندا تورپاغا تاپشیریلمیشدیر. ۶۸ یاشلی شاعریمیزین اثرلریندن «طبیعتین قوینوندا(۱۳۶۹) و «داشلی یول»(۱۳۸۴) عنوانلی ایکی شعر مجموعه‌سی ایندییه‌دک ایشیق اوزو گؤروبدور.
«ایشیق» سایتی امکداشلاری آدیندان بو ایتگینی حؤرمتلی «شامی» عائیله‌سینه، ادبی اجتماعیاتیمیزا و مرحومون دوست تانیشلارینا باش ساغلیغی وئریر و سئویملی شاعریمیزین اونودولماز خاطیره‌سینی عزیزله‌ییریک.
«ایشیق» – آذربایجان ادبیات و اینجه‌صنعت سایتی
۱۰/۴/۱۳۹۵
