«سئللر ساراسی» رومانی یاییلدی
تانینمیش آذربایجان یازیچی و شاعری اوستاد «حبیب فرشباف»ین یئنی اثری ایشیق اوزو گؤردو. یئنی یاییلان کیتاب اوستاد حبیب فرشباف‌ین باخیشیندان «محمدرضا یوسفی»نین فارس دیلینده یازدیغی «آپاردی سئللر سارانی» افسانه‌سینین آذربایجان دیلینده یئنی ترجومه روایتی‌دیر. کیتابین ائدیتورو تانینمیش آذربایجان یازیچی و تدقیقاتچیسی دوقتور «مرتضی مجدفر» و طراحی‌ایسه «وقار فرشباف آقایی»دیر.
«سئللر ساراسی» رومانی‌نی، تهرانداکی پیشگامان پژوهش‌مدار یایینلاری، ۱۳۹۴- نجو ایلین مهر آییندا، ۱۰۰ صحیفه‌ده، مین نسخه تیراژلا، ۶۶۰۰ تومن قیمت ایله نشر ائتمیشدیر. بو کیتاب، ناشیرین ۶-نجی تورکجه کیتابی دیر. کیتابی آلماق و اونون حاقیندا آرتیق معلومات الده ائتمک اوچون ۸۸۳۴۵۲۱۷- ۰۲۱ نومره‌لی تئلفونلا علاقه ساخلاماق اولار.
