آی ائللر
میرحسین ریاحی فر (سیّد)
بیر ایل ایشیق گؤردوک گولدو یازیمیز
باغدا آچدی چیچه‌ییمیز آی ائللر!
ییغناق قوردو دستان آچدی سازیمیز
یاسدان چیخدی اوره‌ییمیز آی ائللر!
پاییز گلدی اسدی قارا سازاقلار
یارپاقلارا حسرت قالدی بوداقلار
یئنه ده بوش قالدی یاشیل قوجاقار
تالان اولدو امه‌ییمیز آی ائللر!
شاختا یاغدی باغدا گوللر تؤکولدو
یئنه داغلار اوسته دومان چؤکولدو
قیزیل دامین کرپیجلری سؤکولدو
چیرکین اولدو گؤیچه‌ییمیز آی ائللر!
قارا گونلر اولدو یوردون همدمی
دردیمیز اود توتدو یاخدی عالمی
تورپاغیمیز اولدو یییه‌سیز زمی
سوسوز قالدی دیله‌ییمیز آی ائللر!
ارلر ظالیم قولاغینی بورمادی
قان ایچنه دار آغاجی قورمادی
«بیر مرد اوغول بیزه هاوار دورمادی»
ساتدی بیزی کؤمه‌ییمیز آی ائللر!
ایسینمه‌یه هله کؤز وار اوجاقدا
دورو سولار گؤزه دَییر بولاقدا
«سیّد» دئیر بیزیم یاشیل تورپاقدا
گوله‌جکدیر چیچه‌ییمیز آی ائللر!
یک پاسخ
استاد محترم سلام و عبادت لریز تانری درگاهیندا قبول اولسون
او خاطره لر منه زنده اولدو- اول گون که گلدیز کلاسا شاگردلرین گتیرن وسایل لرین پنجره دالیندان یره سپدیز و دیدیز که بو لار شاهی لان گئدیلر داهی تکرار اولماسین. اوردا سنی من گوردوم که مظلوم طرفداری سن و منی شاگرد اول کلاس معرفی ائدیز که او گونلره جن حاجی حسن ذاکرینین قیزینی اول اعلام ائیردیلر ولی من اوننان زیرنگ ائیم.
ساغ قالین تانرینین پناهیندا- سنین شاگردین ۳۵ ایلدن سونرا سنی تاپیپدی