سونونجو یارپاق
هریزلی
ده‌یرلی دوستوم “جبرئیل سیف هریس”ین واختسیز اؤلومو مناسبتیله
بیر آغاجین یارپاقلاری‌ییق
آرخامیزدا،
یاشیل خاطیره‌لر،
اؤنوموزده
یارپاق تؤکومو.
خزل‌لر
اوزولور آغاجدان
دوشور تورپاغا بیرر- بیرر،
اوشویور خاطیره‌لر.
بو پاییز آنجاق
بیرگون دالی- قاباق
اله‌نه‌جک بوسبوتون یارپاقلار
بیری ده قالمایاجاق.
آه…
یازیق سونونجو یارپاق
نه قده‌ر سینه داغلایاجاقسان
آخی سن هامی دوستلارینا آغلایاجاقسان
سونونجو یارپاق…
آه…
سونونجو یارپاق!
