غزل‌لیک
آرزو مختاری
دویغوسو باکیره بیر قیز بو غزل‌لیک‌لرده
یالاواج ال، اوره‌یی آج بو اؤزل‌لیک‌لرده
اوره‌ییندن دوغولور یوزمین ایلین عصیانی
باخیشی آمما قیسیردیر بو گؤزل‌لیک‌لرده
سؤزو، لال لاله‌لرین باغرین آغاردیر هر گون
گؤزو لیل‌لنمه‌ده‌دیر، آ….خ بو ازل‌لیک‌لرده
ساچی یئل‌لرده تالانمیش، اوره‌یی غربت‌ده
آغلاغان بیر قیز اسیردیر بو خزل‌لیک‌لرده
الی سازلیق، گؤزو نازلیق، اوره‌یی رازلیق‌دیر
دویغوسو باکیره بیر قیز بو غزل‌لیک‌لرده ….
