آخ چکمه
نیگار خیاوی

آخ چکمه قوزو بالام، آخون داغلارا
آخ چکمه قیرمیزی قیزتیراختور بالام آخون داشلارا
قویمورلار سنی قیرمیزی تیراختور سوره‌سن؟
قویمورلار قیرمیزی تیراختورا باخاسان؟
قویمورلار قیرمیزی تیراختورا مینیب منبره چیخیب پیسدیکلی بئیینلری سؤکه‌سن
بیر ده گؤررسن دونیانین ساچلاری باغروندا سومه‌لشیب هااا
بیر ده گؤررسن سوچلو ساچلارووا سیچانلار یووا سالیب هااا
بیر ده گؤررسن فیکریوین یاری یولوندا گؤیلووه یار دوشوب
آی سنی اللرین یار قوینوندا
دیبین تؤکولر درین بیر قویونون دیبینه دوشرسن، اوندا سنی اره آلمازلار هااا
قیزلیغیوین اؤلوسو اوسته قالیب قیجقیرما، تورشوموش قوزو بالام!
قویمورلار سنی   قویمورلار سنی   قویمورلار سنی
قویمورلا ا ا ار؟؟؟