ayat
باش ساغلیغی
بیز گلدی- گئده‌ریک، سن یاشا دونیا!

چوخ تاسفله داها بیر دوستو ایتیردیک. عؤمرونون بؤیوک بیر قیسمینی آذربایجان شهر و کندلرینده معلم‌لیک ائدیب، انسانی و بشری آمال‌لارینا حیات بویو صادق قالان آیت علی‌محمدی، مرداد آیی‌نین 17‌سینده تبریز شهرینده دونیایا گؤز یومدو.

آیت علی‌محمدی 1333ینجی ایل ساراب ماحالی‌نین اردلان کندینده دونیایا گؤز آچدی, اورتا مکتبی قورتاردیقدا تبریز دانشسراسینا داخل اولوب, بیر چوخ آذربایجان گنجلری کیمی‌معلم‌لیگی اؤزونه پئشه سئچدی. اردلاندا, زرنه‌ده, مهرباندا, همدانین هریان کندینده, موغانین پارس‌آبادیندا و نهایت تبریز شهرینده یوزلرله شاگردی اولدو؛ معلم‌لیکله برابر تبریز دانشگاهی‌نین ادبیات رشته‌سینی‌ده باشا ووردو.

چوخ تاسوفله بو شرفلی, عؤمور بویو اؤز خالقینا, مدنیتینه و بشری آماللارینا صادق قالان انسان, سرطان خسته‌لیگی‌ نتیجه‌سینده ابدی‌لیک اولاراق حیاتا گؤز یومدو و مرداد آیی‌نین 18ینده بیر چوخ دوست, تانیش و شاگردلرینین اشتراکی‌لا تبریز شهرینده تورپاغا تاپشیریلدی.

بیز بو آغیر ایتگینی آیت علی‌محمدی‌نین محترم عائله‌سینه، دوست تانیشلارینا و قوهوم اقرباسینا باش ساغلیغی دئییر و خاطیره‌سینی عزیزله‌ییریک.