ulfat
یوخو ایچینده یوخو
آیلین الفت

بیردن اؤزومو عجیب بیر دونیادا گؤردوم. اورادا دوغرودان وار اولان وامپیرلر، زومبیلر، قورد آداملار وار ایدی. چوخ قورخموشدوم. بؤیوک آنامین ائوینی گؤروب، قاپیسينی چالیب،‌ ایچری‌یه کئچدیم. بؤیوک آنام منی گؤردویونده چوخ سئویندی. منه بیر جادی اولدوغونو دئییب،‌ منی یاخشی بیر جادی اولماغیم اوچون حاضیرلادی. سونرا بیر قابلامادا بعضی وسایللر تؤکوب، سیحیرلی سؤزلری سؤیله‌ییب، بیرکوره‌نین ایچینه تؤکدو.

-بؤیوک آنا سوپ پیشیریرسنمی؟

-یوخ جانیم، قارانلیق بیر گوجو یوخ ائتمک اوچون بیر شئی حاضیرلاییرام، سونرا دئیرم.

کوره بیر آز ایشیقلاندی، آمما سؤندو منیم سوالیما جواب وئرمک اوچون یئکه بیر آینانین یانینا گئتدیک، اوردا گؤزل آمما قارا اورکلی بیر قیز گؤردوم. او بوتون جادیلار، قورد آداملار، وامپیرلر و …لری اؤلدوردو. بؤیوك آنام اونو یوخ ائده‌جک سیحیرلی وسایللری آلماغا ائشییه گئتدی، بؤیوک آنامین محله‌سینده او قارا اورکلی قیزین یاردیمجیسی اولان پیس بیر اوغلان آنامی زورلا، قیزین ائوینه آپاریب اؤلدوردو. چوخ اوزولدوم، نه یاخشی سيحیرلی سؤزلر و بؤیوک آنامین آلیش وئریش لیسته‌سی ماسادا قالمیشدی. وسایللری آلیب تؤکدوم. سؤیله‌دیم ” اججی مججی لاترججی، وامپیر دیشی، گلسین ایشی گؤروم سنی، چیرتان پیرتان یوهاهاها !! …” و کوره‌یه توکدوم. باشاردیم، کوره یاندی. سونرا لیسته‌نین دالیسیندا اولان یازینی اوخویوب، دئدییینی ائتدیم، یانی کوره‌نی دؤرد بؤلوب بیرینی ان بؤیوک یئره، بیرینی لامپانین ایچینه، بیرینی ان بالاجا وامپیرین دیشینه سالدیم، ان چتین ایشیم، سون پارچایی او پیس قیزین باشینا سوخماق ایدی. سوخماق ایسته‌دیم آمما اولمادی. منی اؤلدوردو. نه یاخشی بؤیوک آنام، بو دونیاداکی ان گوجلو جادی ایدی. او اوچ پارچا سایه‌سینده اویاندی و قیز بیلمه‌دن کوره‌نی باشینا سوخدو. هامی قارانلیق گوجدن قورتولدو. ائوه قاییدماقدایکن بیر داغدان كئچمه‌لی ایدیک، بیردن بؤیوک آنامین سیحیرلی ماشینی، بوزولدو. دره‌دن دوشدوک، اوچاغان سوپورگه‌لریمیز یانیمیزدا دئییلدی، ” آااا….. ” گؤزلریمی آچدیم نه قورخونج و هیجانلا دولو بیر یوخوایدی. بونو دفتریمه یازمالییام. آمما، دور یئنه همن دونیا، یئنه دره‌دن دوشوشوموز ” آآاااا…” یئنه گؤزومو آچدیم چوخ عجیب ایدی، یوخو ایچینده یوخو. بونو دفتریمه یازمالییام.

*: 13 یاشیندا- تبریزین یارین اوشاق گروهونون یازیچی عضوی

یک پاسخ

  1. چوخ یاخین گله جکده بو گؤزل اوشاقلاریمزدان گوجلو اثرلر اوخویاجاغیمزا امینم. او گونو صبیرسیز گؤزله‌ییرم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4