images
قارا پیشیک
ارسطو مجردی
تبريزين “يارين اوشاق قوروپو ناغيل ائوي” آدلي درنه يينه تقديم ائديرم :
(بو شعر 1392ینجی ایل، سایتیمیزدا ان چوخ اوخونان اثرلردندیر.)

حيطده باغچاميزدا
بير قوش واريدي،خيردا !
من اونو ايسته ييرديم
كؤنلومده بسله ييرديم
بير گون قارا بير پيشيك
آچدي چپردن دئشيك
گيردي بيزيم حيه طه
آياق قويدو سبه ته
قالخدي آغاجا چيخا
سئرچه نين ائوين ييخا
سئرچه جوك جوك ائيله دي
مندن يارديم ايسته دي
من تئز ايشه باشلاديم
كور پيشييي داشلاديم
پيشيك گؤردو ايش ياشدي
دوواردان آشدي قاشدي
بونونلا بيز شاد اولدوق
قورخودان آزاد اولدوق